ХААН БАНК ЦАМХАГ

Хаан Банк болон Хурд группын нэгдсэн 25 давхар Хаан Банк Цамхаг нь Монгол улсын хамгийн том оффисын барилга бөгөөд орчин үеийн дэвшилтэт технологи болох SIEMENS брэндийн Барилгын Менежментийн Системийг нэвтрүүлсэн анхдагч барилгуудын нэг юм. Бидний суурилуулсан Барилгын менежментийн систем нь өндөр барилгын хувьд Монголдоо анхдагч бөгөөд барилгын агааржуулалт, гэрэлтүүлэг, цахилгаан хангамжийн системүүдийн удирдлага хяналтыг нэгтгэсэн томоохон систем болсон юм. Уг системийг хянах операторуудад зориулан хэрэглэгчийн интерфэйсийг хялбаршуулан 3D харагдацтайгаар хийж өгсөн. Мөн барилгын CISCO-ийн enterprise түвшний сүлжээг суурилуулсан.

ИНТЕРМЭД ЭМНЭЛЭГ

Европ болон олон улсын стандартын дагуу Барилгын Менежментийн нэгдсэн системийг анх удаа Интермэд эмнэлэгт суурилуулсан. Энэ нь бидний хамгийн анхны удаа эмнэлгийн зориулалттай барилгад хийж гүйцэтгэсэн ажил байсан бөгөөд Монголдоо эрүүл мэндийн барилгын салбарт шинэ стандарт тогтоосон.

И-МАРТ III

Энэхүү төслийн хувьд бид хэрэглэгчийн тав тух, аюулгүй байдлыг дээд зэргээр хангахын тулд хамгийн орчин үеийн дэд системүүдийг нэгтгэж холбоо дохиолол, аюулгүй байдлын цогц шийдлийг гаргаж суурилуулалтын ажлыг гүйцэтгэсэн. Уг барилга нь ухаалаг авто зогсоол, дэлгүүр, үзүүлэнгийн танхим, бусад томоохон үйлчилгээний газар болон хүүхдийн тоглоомын төв гэх мэт олон худалдаа үйлчилгээний хэсгүүдээс бүрддэг.

УХАА ХУДАГ ЦОГЦОЛБОР ЭНЕРЖИ РЕСУРС

Бид дараах барилга байгууламжид холбоо дохиоллын цогц шийдлийг гаргаж, суурилуулалтын ажлыг хийж гүйцэтгэсэн.

MCSI ЦЭЦИЙ САЛХИН СТАНЦ

М Си Эс интернэйшнл ХХК нь Өмнөговь аймгийн Цогтцэций суманд 50 мегаваттын салхин цахилгаан станцыг барьж ашиглалтанд оруулсан. Энэхүү төсөл дээр манай инженерүүд 50 мегаваттын салхин цахилгаан станцыг хянаж удирдах СКАДА системийг суурилуулан ашиглалтанд оруулсан юм.

ЭНЕРЖИ РЕСУРС НЭГДСЭН ОФФИС

Ухаа Худаг уурхайн нэгдсэн оффисын барилгын холбоо дохиоллын цогц системийн шийдлийг гаргаж угсралт суурилуулалтын ажлыг хийж гүйцэтгэсэн.

УЛААНБААТАР ХОТЫН ШИНЭ ОЛОН УЛСЫН НИСЭХ ОНГОЦНЫ БУУДАЛ

Улаанбаатар хотын Олон Улсын Нисэх Онгоцны шинэ буудал нь хотын төвөөс 52 км зайд хурдны замаар холбогдон байрлаж байгаа. Энэхүү төслийн хүрээнд бид нийт 32 төрлийн барилга байгууламж дээр холбоо дохиолол, аюулгүй байдлын системүүдийг хийж гүйцэтгэсэн. Жишээлбэл:

• Зорчигч үйлчилгээний барилга
• Нислэг хөдөлгөөн удирдлагын цамхаг
• Гал унтраах авран хамгаалах албаны барилга
• Цахилгааны үндсэн дэд өртөөний барилга
• Бохир ус цэвэршүүлэх байгууламж
• Шатахуун хангамжийн байгууламж
• Газрын үйлчилгээний барилга
• Газар доогуурх инженерийн шугамж сүлжээний байгууламж
• Авто машины дулаан гараж
• Гүний худгийн болон өргөлтийн насосны байгууламжууд
• Холбох хүзүүвч, төлбөр хураах цэг
• Аюулгүй байдлын үзлэгийн байр, харуулын байрууд

ЦУС СЭЛБЭЛТ СУДЛАЛЫН ҮНДЭСНИЙ ТӨВ

Цусны үндэсний төвийн цус хадгалах өрөөний орчны хяналтын систем болон LED дэлгэцүүдийг гадна талд суурилуулж аюулгүй байдлын системийн шийдлийн ажлыг хийж гүйцэтгэсэн.

NUBIA АГААРЫН ХӨЛГИЙН ЗАСВАР ҮЙЛЧИЛГЭЭНИЙ БАРИЛГА

Бид энэхүү төсөл дээр Япон улсын болон Олон улсын стандартын дагуу гадна болон дотор холбоо дохиоллын системийг амжилттай суурилуулан ашиглалтанд оруулсан. Мөн агаарын хөлгийн засвар үйлчилгээний хэсгийн галын аюулыг хурдан шуурхай мэдээлэх шаардлагад тохируулан 28 ширхэг дөл мэдрэгчийг байрлуулан галын дохиоллын системд холбосон.