Барилга, хотхон, үйлдвэр, гадаад талбайн гэрэлтүүлэг нь зөвхөн орчныг гэрэлтүүлэхээс илүүтэйгээр аюулгүй байдал, тав тух, энергийн хэмнэлт, архитектурын өнгө төрхийг тодорхойлдог стратегийн элемент болжээ. Дижитал Повер ХХК олон улсын стандартын дагуу ухаалаг гэрэлтүүлгийн зураг төсөл, суурилуулалт, удирдлага, засвар үйлчилгээг мэргэжлийн түвшинд гүйцэтгэн, байгууллага бүрийн онцлогт нийцсэн шийдлийг санал болгодог.
Манай инженерийн баг LED, флюресцент, галоген гэрэлтүүлэг, гадаад орчны хүчиллэг, өндөр температур, салхи, чийгэнд тэсвэртэй төхөөрөмжүүдийг ашиглан найдвартай, урт настай, бага хэрэглээтэй системийг бүрдүүлж ажилладаг. Үүн дээр нэмээд ухаалаг удирдлагын технологи нэвтрүүлснээр гэрэлтүүлгийг автоматаар тохируулах, эрчим хүчний хэрэглээг бууруулах, хүний оролцоог багасгах боломж бүрдүүлэх ач холбогдолтой.
Ухаалаг гэрэлтүүлгийн систем нь фото мэдрэгч, хөдөлгөөн мэдрэгч, таймер, мөн төвлөрсөн удирдлагын платформтой уялдан ажиллаж, тухайн орчны гэрлийн хэрэгцээг бодит цагийн горимоор тооцон асаах, унтраах үйлдлийг удирддаг. Ингэснээр орон сууц, үйлдвэр, худалдааны төв, зогсоол, зам талбай зэрэг аливаа орчинд гэрэлтүүлгийг хамгийн оновчтой түвшинд барьж, эрчим хүчний хэрэглээг мэдэгдэхүйц бууруулдаг.
Гэрэлтүүлгийн хэрэгсэл, цахилгааны дэд бүтэц, удирдлагын систем, архитектурын гэрэлтүүлгийн дизайныг уялдуулан төлөвлөснөөр үйлчлүүлэгчдэд аюулгүй, үзэмжтэй, тав тухтай орчныг бүрэн цогцоор нь санал болгоно. Ухаалаг гэрэлтүүлгийг нэвтрүүлэх нь зөвхөн зардал бууруулах шийдэл бус, тухайн байгууллагын орчны чанар, аюулгүй байдлын түвшинг шинэ шатанд гаргах томоохон хөрөнгө оруулалт болдог.